| Jahon banki va SGAP tomonidan sertifikatlangan mikrokredit moliya muassasalarni faoliyatiga baho beruvchi Italiyaning "MicroFinanza Rating" kompaniyasi Mikrokreditbank faoliyatini o’rganib, unga ijtimoiy reyting berdi.
Ma'lumki, mikromoliyaviy xizmatlarning pirovard natijada manzilga, kam ta'minlangan aholiga aniq yetib borishini aniqlash maqsadida bugungi kunda investisiya kompaniyalari va moliya muassasalari mikromoliyaviy xizmatlarning umumiqtisodiy jihatlari bilan bir qatorda ularning aholi uchun ijtimoiy samaradorligiga tobora ko’proq ahamiyat qaratmoqda.
Xalqaro ijtimoiy yo’nalishdagi reyting kompaniyasi tomonidan 2010 yil natijalariga ko’ra Mikrokreditbankka xalqaro me'yorlarga muvofiq "sBB" - "Bank oldiga qo’yilgan maqsad va vazifalarni amaliyotda ro’yobga chiqarishga va ijtimoiy masalalarni ilgari surishga yetarli darajadagi samarali qobiliyatga hamda bunga erishish uchun yuqori ehtimolga ega" ijtimoiy reytingi berildi.
|
